غايب وانا الموجود
وسط العيون السود
في داخلك ادري
لي منزلي المعهود

غايب وانا الموجود
في حلمك الوردي
لو قلت لك راجع
صدقني ما ادري
يمكن غيابي يطول
و يمكن اجي باكر!!

يمكن اشوفك حلم
ويمكن اشوفك علم
ويمكن بعد انّي
ما اشوفك الا شوق

غايب وانا الموجود
في ذكريات الحب
في ليل ذكرانا
وفي نار فرقانا
غايب انا لكن
في خاطرك موجود

من قال لك غايب؟
ومن قال لك حاضر؟
مثل السراب اصبحت
الغايب الحاضر

ودي اجيك اليوم
و ودي اغيب سنين
ودي اضمك حيل
وابعد عن احضانك
خايف لذيذ الوصل
يشعل بي نيرانك

يمكن عرفتيني
ويمكن انا واهم
يمكن قريتيني
او اني مو فاهم
خليني في غيابي
حاضر وانا موجود
واقعد بعيد هناك
في ذكريات الأمس
واسمع صدى صوتك
يقول لي ارجوك
يا غايب الطلّه
وياحاضر الاشواق
خف فيني من الله
لا تتعب الاشواق
اسكن وسط فرقاك
وارجوك لا ترجع